KALIBO, Aklan -Ginsiguro it Department of Education (DepEd) nga indi maapektuhan ro pagbag-o it liderato it ahensya sa pagpahaom sa pagbukas it mga klase sa Hulyo 29.
Raya hay kasunod it anunsyo it Malacañang nga si Sen. Sonny Angara ro napili nga magbaylo kay Vice President Sara Duterte bilang Education Secretary.
Suno kay DepEd Undersecretary Michael Poag nga nag-umpisa eun ro enrollment activities, pati man ro iba pang pagpahaom para sa pagbukas it school year.
Ginhimo man it ahensya ro sangka inter-agency meeting kahapon agud magplano para sa “Brigada Eskwela,” o ro dag-unan nga programa sa pagpabilin it mga eskwelahan sa bilog nga nasyon nga naga’engganyo sa tanan nga stakeholder it edukasyon.
Para sa maayos nga transition it liderato, ginatapos eun man it DepEd ro pilang mga report nga igapasa sa taeatapan ni Sen. Angara, pati man ro pagplano sa pagpueong it Senador kaibahan si VP Duterte.
