Nagpakitang-gilas sanday Bianca Pagdanganan ag Dottie Ardina sa ulihing adlaw it andang kampanya sa 2024 Paris Olympics nga ginpatigayon sa Le Golf National.
Parehong naglista ro daywang Filipina golfers it 4-under 68 sa ika-ap-at ag ulihing round ro andang pinakamataas nga output sa ap-at nga rounds it torneo.
Si Pagdanganan hay nagtapos sa joint 4th spot nga may kabilugang 6-under par, samtang si Ardina sa anang unang Olympics hay nagtapos sa ika-13 pwesto kaibahan ro ap-at pang golfers nga may kabilugang 3-under 285.
Mainit ro umpisa ni Pagdanganan sa front nine, kon sa siin nakalista imaw it ap-at nga birdies ag ap-at nga pars.
Naangkon ni Lydia Ko it New Zealand ro bueawan nga medalya, samtang si Esther Henseleit it Germany ro nakakuhit it silver medal ag si Xiyu Lin it China ro nag-uli it bronze medal.
