Kadungan sa pag-insister nga una sa krisis eon ro nasyon, nagpahayag si Senador Bam Aquino it suporta sa pagdeklara it state of national emergency agud makontrol ro padayon nga pagtaas it presyo it baeak-eon tuga it paglobo it presyo it langis sa tunga it kinagamo sa Middle East.
Suno kay Aquino, makabulig ro nasambit nga tikang agud masolusyunan it gobyerno ro epekto it record-high nga presyo it langis ag ro kasunod kara nga pagtaas it haega it baeak-eon nga posibleng magtuga it mabug-at nga paeas-anon sa publiko ag nagkaeain-eain nga industriya.
Sa idaeom it state of national emergency, pwedeng gamiton it presidente ro mas maeapad nga gahom agud itutok ro pondo iit gobyerno sa pagtao it pinansyal ag iba pang klase it bulig sa nagkaeain-eain nga sektor, dugangan ro pondo para sa repatriation it overseas Filipino workers sa mga apektadong lugar, ag magpatuman it mga tikang sa pagkontrol it presyo.
