Magahueag eon sa House Plenary ro isyu it pag-abolish sa travel tax matapos aprubahan eon it House Committee on Ways and Means ro substitute bill para sa proposisyon.
Sa pagpamati it komite nga ginpangunahan ni House Committee on Ways and Means Chairman ag Marikina Rep Miro Quimbo hay nagmosyon si House Deputy Majority Leader Ernesto Dionisio nga aprubahan nga aprubahan eon ro substitute bill, uwa it naging pagpamaeabag rason nga aprubado eon raya sa committee level.
Matapos maaprubahan sa House Committee on Ways and Means hay igapasa raya sa House Committee on Approriations antes ipasa sa House Plenary para sa deliberasyon.
Ginpahayag ni Quimbo nga ro mga programa nga ginapondohan it travel tax hay pagapondohan eon sa idaeom it General Appropriations Act kaibahan kara ro Tourism Infrastructure and Enterprise Zone Authority (TIEZA), Commission on Higher Education (CHED) ag National Commission for Culture and the Arts (NCCA).
