KALIBO, Aklan — Kadungan sa “Bat Awareness Day” sa Abril 17, magapatigayon it nagkaeain-eain nga aktibidades ro friends of the flying foxes ukon FFF agud nga taw-an it importansiya ro amat-amat nga pagka-ubos it kabog sa isla it Boracay .
Plano man it nasambit nga grupo nga pagagamiton nanda ro Abril bilang general awareness nga kon sa siin hay maga-post it mga balita ag updates ag iba pang impormasyon.
Suno sa FFF nga nagapadayun ro andang bat monitoring agud nga makatipon it dugang nga mga datus ag impormasyon para sa andang kada buean nga paghuyap it mga kabog ag kon ano ro mga kabangdanan sa amat-amat nga pagka-ubos it mga raya .
Gina-usisa man sigon nanda makaron ro mga dating gina-istaran it mga fruit bats nga kon sa siin nakakita it 12 nga common island fruit bats sa Balanghai.
Naga-abot sa kabilugan nga 280 fruit bats eon lang ro andang nailista umpisa ko Abril 5, 2019 .
