Sangka mataas nga opisyal it military it Russia ag anang kaibahan ro napatay sa sangka pagsabog sa Moscow.
Gintumod nga sangka “lehitimong target” si Lt. Gen. Igor Kirillov, pinuno it Nuclear, Biological, ag Chemical Defence Forces (NBC) it Russia bangud sigon sa anang papel sa paggamit it mga ginabawaean nga sandata.
Base sa imbestigasyon it Russia, sangka improvised explosive device (IED) ro ginpasabog gamit ro sangka scooter sa Ryazansky Avenue.
Namatay si Kirillov, 54-anyos, ag ro anang aide.
Sa ginpaguwa nga mga litrato, makit-an ro mabahoe nga halin sa sangka edipisyo, mga nasamad nga bintana ag daywang bangkay sa karsada.
Samtang, padayon man ro imbestigasyon it mga awtoridad sa lugar.
Ginpahayag nga ro pagpatay kay Kirillov hay kaparte it mas ginpabaskog nga operasyon it Ukraine kontra sa mga matag-as nga opisyal it Russia, kasunod it pagkamatay it pilang iba pang personalidad sa mga pag-atake ko nagtaliwan nga dinominggo.
