SPORTS News — Nagpromisa si dating world champion Gennady G. Golovkin ukon kilaea sa tawag nga GGG nga paga-obrahon nana ro tanan agud nga indi maduea ro boksing sa Los Angeles Olympics sa maabot nga 2028.
Madumduman nga gintaeana si Golovkin bilang Olympic commision chair nga imaw ro maga-istorya sa International Olympic Committee para indi pagduea-on ro sport nga boxing sa Olympics.
Prayoridad sigon nana nga ipabilin ro boksing bilang Olympic sports.
Naging Olympic silver medalist si Golovkin ko 2004 ag matapos kato hay naging professional boxer eon imaw nga may una nga record nga 42 nga daog ag sangka draw.
Madumduman nga gintaw-an it hasta sa masunod nga dag-on it International Olympic Committee ro International Boxing Association nga pamatud-an nga owa it natabu nga anuman nga daeayaan para indi maduea ro boxing sa Olympics.
