KALIBO, Aklan—Haeos ginaeauman eon it mga pumueuyu ro pagpaiway sa Barangay ag Sangguniang Kabataan (SK) eleksyon sa Disyembre 5, 2022 rason nga owa eon it bag-o kara.
Sa kamatuoran suno kay Atty. Rommel Benliro, municipal election officer it banwa it Kalibo nga maskin sanda sa commission on elections ukon Comelec hay expected eon ro nasambit nga re-scheduling it eleksyon bangud sa mga gindihon nga proposed bill sa manaba nga kapueongan it kongreso ag senado.
Ginpasiguro man nana nga haum sanda anuman nga oras sa pagpatigayon it eleksyon.
Madumduman nga ginpirmahan eon ni Pangueong Rodrigo Duterte ro laye nga nagapaiway sa nasambit nga eleksyon nga nakataeana kunta sa Mayo 11, 2020.
Raya hay sandig sa Republic Act No. 11462.
Gindugang pa ni Atty. Benliro nga raya hay nagakahueugan nga magiging epektibo ro pagpaeawig it termino it mga presenteng SK ag barangay officials nga nagdaog ko May 2018 Barangay ag SK elections.
