Paga-umpisahan makaron nga adlaw it Biyernes, Agosto 14 it Truth Commission ro kauna-unahan nanda nga pagpamati agud nga idokumento ro mga gina-alegar nga extrajudicial killings angot sa kampanya kontra droga it administrasyong Duterte.
Ro grupo hay ginaeakipan it Simbahang Katolika ag mga civil society group.
Suno kay dating ICC judge, Atty. Raul Pangalangan, pagahiwaton ro unang pagpamati sa Pope Pius Center sa Manila.
Ginklaru ni Pangalangan nga owa it gahum ro komisyon nga magpasaka it kaso ukon magtau it sentensiya, apang tuyo kara nga mabatian ro mga biktima, tipunon ro andang testimonya, ag maghimo it report nga pwedeng isumite sa mga ahensya it gobyerno ag international human rights organizations.
Sambilog sigon sa mga pagatalakayon hay ro kaso ni Raymart Siapo, 19-anyos nga napatay ko 2017 sa Navotas samtang igaplastar man ro resulta it pag-usisa sa anang bangkay.
Ginpaathag man ni Pangalangan nga bukon it tuyo it komisyon nga samaron ro sin-o man kundi ipaguwa ro kamatuoran.
