KALIBO, Aklan–Gin-insister it Bagong Alyansang Makabayan ukon Bayan-Aklan nga nagakadapat eamang nga padasigan it gobyerno ro pagpanupod it relief packs ag cash assistance sa mga pamilya nga naapektuhan it pagpanaeasa it bagyong Paeng.
Suno kay Kim Sin Tugna, OIC Coordinator it Bayan-Aklan nga dapat siguraduhon it gobyerno nga mataw-an it bastante nga ayuda ro mga biktima agud makabulig sa andang adlaw-adlaw nga kinahang-eanon.
Sa kamatuoran suno kana hay nagpanupod man sanda it food packs ag trapal sa mga residente it C. Laserna Street, Brgy. Poblacion, Kalibo sang adlaw matapos ro pagtama it bagyo.
Kaibahan sigon nanda nga nagpaabot it bulig ro Task Force Tabang, Tabang Aklan ag iba pang mga volunteer.
Dugang pa kara nga hasta makaron hay sigidas pa ro andang pagpatigayun it clean up drive sa nasambit nga lugar.
