Posibleng humalin eon sa minority bloc si Sen. Francis “Chiz” Escudero.
Suno kay Prof. Ramon Beleno III, sangka political analyst mageuwas nga Sen. Escudero, matunog man ro pangaean ni Sen. Joel Villanvueva ag sambilog pang Senador nga posibleng mag-halin sa minority.
Raya sigon nga rason ro anang nakikita makaron kun haman nagpatawag it special session si President Ferdinand Marcos Jr.
Paathag nana, hasta makaron hay uwa pa nasasabat ro kutana kung bastante baea ro 12 para maging quorom. Kaya sa makaron sigon hay maabong nagaduda ag nagapangutana kun ano ro kinahangan ipasa sa paaeabuton nga sesyon nga uwa eagi ginpasa sa regular nga sesyon bago raya mag-adjourn.
Dugang pa ni Prof. Beleno, madja nagaguwa eamang sa makaron nga kaya nagpatawag it special session para nga mabilog ro 13 nga numero para nga mapatalsik sa pwesto bilang Senate President si Sen. Alan Peter Cayetano ag para tapuson eon ro senate blue ribbon committee hearing ag madesisyunan eon kun sin-o ro magiging preciding officer sa maabot nga Impeachment trial sa Hulyo.
Kun usisaon sigon, madja may nagaguwa nga political motivation ag bukon it laye ro pagahueagon kundi ro mismong liderato.
Ginpunto man nana nga uwa it permanenteng kaapin ag kontra sa senado, kundi ro loyalty it mga pulitiko hay kun alin ro maga-hatag kanda it political survival.
