KALIBO, Aklan— Ginabawaean gihapon it Department of Environment and Natural Resources (DENR) ro pagpatigayon it pilang aktibidad sa isla it Boracay sa pihak it pagbuhos it mga bakasyunista ag dumueoong nga turista.
Ginpunto ni Environment Secretary Roy Cimatu nga ginapasugtan sigon ro mga photo shoots sa baybayon apang bawae ro kasae ag kamana man ro pagsuksok it sapatos.
Ginpabugae it sekretaryo nga nagnaba eon ro coliform level sa nasidlangan nga bahin it isla ag plano it ahensya nga buksan sa publiko ro Bulabog Beach kon siin, ginapatigayon ro mga kiteboarding ag windsurfing activities.
Samtang, ginakonsidera makaron it Boracay Inter-agency Task Force nga mag-hire it general manager nga magdumaea sa tourism operations sa sikat nga isla.
Nasayuran nga massive clean-up ro ginahimo it gobyerno sa nasambitang isla agud mapabilin ro kalimpyuhan kara.
