Posibleng inde pagpasugtan ro pagsueod it mga imbestigador it International Criminal Court sa Pilipinas agud mag-interview sa mga testigo sa kontrobersyal nga drug war it nakataliwan nga administrasyon.
Suno kay Solicitor General Menardo Guevarra, nagapabilin nga malig-on ro panindugan it administrasyong Marcos nga inde pagkilaeanon ro hurisdiksyon it ICC sa Pilipinas.
Posibleng kilaeanon bilang ‘undesirable alien’ ro mga imbestigador kon ipilit nandang magsueod sa nasyon ag ipilit nga istoryahon ro mga testigo sa nagapadayon nga imbestigasyon sa crimes against humanity ni dating Pangueong Rodrigo Duterte.
Suno pa kay Guevarra, indi man pwedeng basta eon lang mag-serbi it warrant of arrest ro ICC kon engkasong magpaguwa it Pre-Trial Chamber bangud nga kinahang-ean nga ipaagi ro nasambit nga warrant sa diplomatic channel ukon sa pinaagi it Department of Foreign Affairs(DFA).
