Uwa habaeabagan it uean ukon maeian nga tyempo ro pagselebrar it New Year ku mga tawo sa London.
Ginpakigbahin ni Bombo International Correspondent Ramil Isugon ro selebrasyon nga ginhimo it nasyong Egland sa pagsug-aeaw it Bag-ong Dag-on.
Paathag nana nga may ginhiwat nga Spectacular Fireworks Display sa River Thames nga ginpartisiparan ag gindagsa it haeos sa 100,000 ka mga pumueoyo kung siin nga nagahaega ro ticket it 20 pounds per person.
Mapinasensyahon sigon nga naghueat ag nagpila ro mga tawo para sa gina-abangan nga fireworks display.
Para maging organisado may color coding sigon nga ginhimo it mga organizers.
Maliban sa England may mga ginhimo man nga fireworks display sa Scotland, Wales ag Northern Ireland.
Dugang ni Isugon nga raya ro pangaywang kahiguyanan nga naghiwat sanda it fireworks display ag gintambungan it maabo nga tawo kumpara sa dag-on nga gineagasa it pandemic.
Ginasaligan sigon nga maging enggrande raya nga pagsug-aeaw kesa ku nagtaliwan nga dag-on kung siin nga nagpokus sa pagdumdom kay Queen Elizabeth.
Ro dagsa it mga pumueoyo hay naghatod it 1.2 million pounds nga kita it aktibidad.
Maabo man ro mga ginapahaom it mga pumueoyo sa andang lamesa, may mga misa man nga ginahiwat pero pagkumpara nana bukon it makaron kasangag ro pagsug-aeaw it England kesa sa nasyong Pilipinas.
Sa pihak nga parte, maabo man nga mga layi ro ginpasar ku dag-ong 2023 sa nasyon nga England.
Masayuran nga mild ro temperature sa nasambit nga nasyon sa pagsueod it panibag-ong dag-on ag ku nagtaliwan nga Disyembre 2023 hay haabot nanda ro second hottest temperature para sa paskwa.
