Kalibo, Aklan-Nagpaguwa si Trade Secretary Alfredo Pascual para sa pagsuspinde it baealigyaan it vape products ukon system online ukon ro Department Administrative Order 2024 -03 ku nagtaliwan nga Hulyo 16.
Pahayag ni Romel Amihan – Provincial Director it Department of Trade and Industry Aklan nga raya hay sa mga online eamang ag sa mga pisikal nga establisyemento hay padayon basta uwa nagabayolar sa R.A. 11900 ukon vape law.
Raya nga suspension hay temporaryo hasta mapamatud-an it mga e-retailers kun sanda hay nagacomply eun sa nasambitan nga layi.
Mandato it DTI nga magmonitor sa mga retailers rason ginsuspende bangud maabo ro mga nagabayolar sa vape law.
Kun gabaligya it vape kinahangean sigon nga may packaging ag health warning, minimum age sales and purchase ukon ro gabakae hay indi magnaba sa edad nga 18 years old, indi pwede makapatindog it negosyo 100 meters ro kaeapiton sa mga eskwelahan, ag uwa man dapat it flavor descriptors.
Mahimo magpangatubang sa penalidad ro mga nag-eabag kapareho it pagbayad it P5,000 – P5million ag pagkapriso.
Nagapatuman man sanda it monitoring ag enforcement kontra sa mga magaeabag kun siin halin sa 12 nga ginamonitor nga baealigyaan sa Kalibo hay 2 ro nag-eabag.
