KALIBO, Aklan — Sobrang kalipay ag “overwhelmed” ro tanan nga Overseas Filipino Workers (OFWs) sa pagbisita ni Pangueong Rodrigo Duterte sa Filipino Community sa Jerusalem, Israel.
Sa interview it Bombo Radyo Kalibo kay Rhea Lynn De Felix Adoc, tubong Barangay Loctuga, Libacao, Aklan ag nagatrabaho sa Nahariya, Israel, ginpahayag nga sobrang kalipay para sa sangka OFW nga bisitahon sanda ko ama it nasyon.
Dugang pa kara nga ro pagbisita it presidente hay pagta-o it importansiya kandang mga Pinoy nga nagatrabaho sa nasambitang nasyon.
Welcome sigon ro pangueo sa Israel ag makit-an ro andang pagpalangga kanda bangud haeos mapuno eon ro Ramada Hotel, ro venue kon siin nakipag -“meet and greet” ro presidente sa mga Pinoy workers.
Samtang, gin-istorya man ni Adoc nga ro mga taga-Israel hay sobrang disiplinado ag eowas sigon sanda sa nasambitang lugar bangud hilway sandang makaguwa adlaw-adlaw sa pihak it mga balita nga may nagakatabong giyera bangud mga paeag eamang raya ag nagakatabo eamang sa mga border it nasyon.
