Matapos ro madasig nga pagboto sa kongreso sa 54 to 1, pormal eon nga igapasaka sa senado ro articles of impeachment kontra kay Vice President Sara Duterte.
Suno kay Atty. Harry Sucgang, political analyst sa Aklan nga expected eon ro pag-eusot kara sa Kongreso bangud nga majority it mga kongresista hay kaalyado it administrasyong Marcos.
Apang medyu tagilid sa Senado nga nagatindog nga impeachment court bangud nga haeos kaabuan sa mga senador hay kaalyado it mga Duterte.
Bangud nga ro impeachment hay numbers game, baeantayan sigon kon sin-o sa mga senador ro magapabilin nga tampad sa mga Duterte ag sin-o ro maga-traidor para sa pangkaugalingon nga agenda.
Sa makaron hay may mga senador nga posibleng makaangkon it swing votes ukon indi pa masayuran ro andang panindugan.
Nasayuran nga natapos eon it House panel ro deliberasyon sa 3rd ag 4th impeachment complaint nga parehong gindeklara nga sufficient in substance.
Posibleng maga-umpisa ro hearing proper pagkatapos it Holy Week, ukon sa ikaywang domingo it Abril.
Kaibahan sa alegasyon kontra kay Duterte ro pagtraidor sa public trust, bribery, graft ag korapsyon, kaeakip ro gina alegar nga saea nga paggamit it P612 milyon sa confidential funds.
