KALIBO, Aklan–Naputos it kasubo ro bilog nga Italya matapos ro pagtaliwan it ginakabig nga ‘Humble Pope’ ukon ‘Humble Servant of God’ nga si Pope Emeritus Benedict XVI sa edad nga 95.
Suno kay Bombo International Correspondent Girlie Ongoco it Rome, Italy nga pasado alas-9:34 kahapon it agahon (oras sa Vatican) kat mabugtuan it ginhawa sa anang baeay sa Mater Ecclesiae Monastery ro Santo Papa.
Dikara nana ginpili nga mag-istar matapos nga magpanaog sa ministeryo it Petrine ko 2013 bangud sa health issue.
78 anyos imaw kat mailihir bilang Santo Papa ko 2005.
Sambilog man si Pope Benedict XVI sa ginakilaea sa oldest popes nga na-ilihir sa nasambit nga posisyon.
Antes naging Santo Papa, kilaea imaw nga si Cardinal Joseph Ratzinger, head it doctrinal watchdog it Vatican nga ginatawag nga Congregation for the Doctrine of the Faith.
Kapin sa 24 anyos nana nga ginbuytan ro nasambit nga papel kamana man nga ginbansagan imaw bilang “God’s Rottweiler” bangud sa anang “strictly conservative theologicval views”.
Ro patay nga eawas it nagtaliwan nga Santo Papa hay ginabutang sa Apostolic Palace para sa mga miyembro it Curia agud nga magtao it andang pagrespito ag pagkatapos hay iga-saylo sa St. Peter’s Basilica agud nga pasugtan ro mga peregrino nga magtao it andang ulihing pagrespito.
