Ginpaathag ni Adorada Reynaldo, head it Solid Waste Management it LGU Kalibo ro importansya sa pagtatap it husto it basura.
Kinahang-ean suno kana nga maging aware ro kada isaea bangud nga pinaagi sa pagtatap it husto it basura hay mabuhinan ro ginapilak sa landfill.
Pinaagi sa proper waste disposal hay makata-o it manami nga benepisyo sa environment ag maging sa ikaayong eawas it tawo.
Ginpaathag dugang ni Reynaldo nga ro National Zero Waste Month makaron nga Enero hay tuyo kara nga maengganyo ro mga pumueoyo nga mabayluhan ro andang pag ginawi para maging sustainable ag nagagamit it husto ro natural resources.
Ro solid waste management suno kana hay sangka shared responsibilities it komunidad ag mga stakeholders.
Kinahang-ean sigon nga maging responsable ro kada isaea pag-abot sa basura kon sa siin pwede raya nga umpisahan sa panimaeay pinaagi sa tama nga waste segregation kamana man ro tama nga pagpilak it basura nga inde magkalhit sa maskin siin nga parte it ugsaran
