NATIONAL News — Sangka laye eon ro pagtau it night shift differential pay sa mga empleyado it gobyerno matapos nga pirmahan ni Pangueong Duterte ro RA 11701.
Sakop kara ro mga empleyado it gobyerno nga naga-okupa sa mga pwesto halin sa division chief panaba, kaibahan eon sa GOCCs mapa-permanent man, contractual, temporary ukon casual.
Base sa laye, pagabayaran sanda it night shift differential sa hantidad nga indi mag-eampas sa 20% it basic pay rate kara kada oras nga natumod it pinuno it ahensya.
Sakop kara ro trabahong ginsudlan it empleyado sa katung-anan it alas-6 it gabi-i hasta alas-6 it agahon pagka-aga.
Nagpasaeamat man si Sen. Bong Revilla, Jr. nga author it nasambit nga laye sa pag-apruba ni Pangueong Duterte nga suno kana hay mas nga makatau it dugang nga benepisyo sa mga trabahador eabi eon sa mga public health workers.