Pormal nga ginhinyo it House prosecution panel sa Senate impeachment court nga isaylo makaron nga adlaw ro pagtestigo ni National Bureau of Investigation (NBI) Director Melvin Matibag sa impeachment trial ni Vice President Sara Duterte, imbea nga sa Hulyo 15.
Suno sa prosekusyon, ginhinyo ni Matibag nga timprano imaw makapagtestigo bangud magatambong imaw sa sangka regional summit sa Bangkok sa Hulyo 21 ag 22.
Uwa man raya ginpamalibaran it pilang senador apang nagpahayag it kabaeaka sanday Senator-judges Alan Peter Cayetano ag Sherwin Gatchalian nga posibleng maging maeain nga precedent ro gulpihang pagbag-o it iskedyul.
Ginbaeabagan man it depensa ro hinyo bangud sigon sa pageabag sa 5-day witness rule ag sa andang kinamatarong makapahaom para sa cross-examination.
Sa ulihi, ginmanduan it impeachment court ro prosekusyon nga isumite ro sueat ni Matibag ag ro anang travel authority antes desisyunan ro hinyo.
Ginaeaumang maga-tao si Matibag it detalye angot sa imbestigasyon it NBI sa paeag sigon ni Vice President Duterte kontra kanday Pangueong Ferdinand Marcos Jr., First Lady Liza Marcos, ag dating House Speaker Martin Romualdez.
