Ginsuhestiyon it dating Provincial Board Member ag Political Analyst nga dapat nga ituro eon sa mga inunga ro sistema it eleksyon sa Pilipinas.
Suno kay Atty. Harry Sucgang nga ro Barangay ag Sangguniang Kabataan Elections hay ro smallest unit it eleksyon sa nasyon nga medyu mainit ro pagpatigayon kara bangud nga kaeabanan sa mga naga-engkwentru hay magkapamilya ukon mgakapit-baeay.
Sa mayad nga swerte suno kana nga ro akeanon hay peace loving people.
Pahayag pa kara nga indi malikawan nga indi maintrahan it kwarta bangud gusto magdaog it mga kandidato ag ro mga botante man sigon hay gademand rason nga medyu naanaran eon.
May pila sigon nga mga botante nga nagademand rason nga nakasanayan eon it mga kandidato ro vote buying.
Sa makaron hay may pila man sigon nga mga botante ro nagabaligya it boto.
Suhestiyon nana nga dapat tur-an ro mga unga it kasayuran parte sa pulitika ukon sistema it pulitika agud nga maging aware ro mga raya kun ano ro epekto it pagbaligya it boto.
Sa makarondaya nga pamaagi hay magatatak kanda ro importansya it andang boto.
Dugang pa ni Atty. Sucgang nga kwarta ro unang kinahang-ean para sa pagsueod it pulitika bangud nga raya ro realidad.
Gasalig man si Atty. Sucgang nga gamiton it mga botante ro andang konsensiya sa pagboto, batunon ro mga natao bilang regalo ag maging wise voter.
