Uwa ginakabig it Malakanyang nga armed attack ro pinakabag’ong insidente it pagpang-harass it Chinese Coast Guard sa mga tawuhan it Armed Forces of the Philippines (AFP) sa Ayungin Shoal.
Raya ro pahayag ni Executive Secretary Lucas Bersamin, chairman it National Maritime Council matapos ro ginhimo nga pagpueong sa Malakanyang kahapon.
Sa pangutana kun ginakabig it gobyerno nga armed attack ro panibag’ong insidente sa Ayungin Shoal, sabat ni Bersamin, mahimo nga uwa eamang nagka’intindihan ukon aksidente ro natabo.
Matandaan nga sambilog sa mga sundalo ro nautdan it tudlo kat umatake ro Chinese Coast Guard sa barko it AFP.
Suno kay Bersamin, ginrekomenda it council kay Pangueong Ferdinand “Bongbong” Marcos Jr. nga ianunsyo ro rotation ag reprovision missions sa BRP Sierra Madre nga magapabilin nga routinary ag regular nga naka-schedule.
Indi sigon mabalibaran nga nagapabilin nga paeag sa seguridad it sobra pa sa West Philippine Sea.
Kahapon ro pangaywang beses nag nag-convene ro National Maritime Council nga nakasunod eun man sa ginpirmahan ni Pangueong Marcos ag bangud sa panibag’ong insidente it pagpang-harass it China sa tropa it AFP sa Ayungin shoal.
