Nagaapela sa gobyerno ro mga mangunguma sa Western Visayas nga dueaon eon ro fuel excise tax sa mas madali nga panyempo eabi eon makaron nga tyempo it anihan kon sa siin waea-tuo ro paggamit it mga makinarya.
Suno kay Lucia Capaducio, chairperson it Paghugpong ng Mangunguma sa Panay at Guimaras ukon PAMANGGAS, tuman ro kalisod nga nabatyagan makaron it mga mangunguma bangud sa pagtaas it presyo it krudo nga ginagamit sa mga makinarya sa pagharvest it paeay.
Imbes nga makaginansya ro mga raya bangud sa gulping pagtaas it presyo it paeay hay kapin pa sanda nga maeomos bangud nga maadto manlang man sa andang expenses sa pagpaani it andang kaeanasan.
Nagpaandam sigon ro mga mangunguma nga sa oras nga inde isuspinde ro fuel excise tax ag sigidas pa ro pagtimbook kara sa world market, posibleng inde anay sanda magtanom it paeay sa masunod nga cropping season bangud sa ginaeauman nga pagtaas it andang gastos.
Mag-eowas kara, panawagan nanda dugang nga inde eon pagpabaya-bayaan ro subsidiya para sa mga mangunguma ag insigidang itao eon kanda agud nga hipuslan pa nanda makaron nga tig-aeani.
