Kalibo Aklan ——–Nakataeana nga i-swab test ro an-om nga miyembro it pamilya it sangka 51-anyos nga seafarer matapos nga nadiskubrehan nga posotibo imaw sa COVID -19 base sa ginpaguwang confirmatory result it Detoxicare Philippine Incorporation.
Suno kay Provincial Health Officer 1 Dr. Cornelio Cuatchon Jr., ro COVID patient nga taga-banwa it Kalibo hay history of travel sa Iloilo City ko July 11-13, 2020 para sa anang medical check-up bilang requirements sa anang kumpanya.
Apang, uwa pa sigon nadetermine makaron kon siin nabueo it pasyento ro COVID -19 infection.
Bilang precautionary measures suno kay Cuatchon hay nakipag-angot sanda sa Metro Kalibo Water District (MKWD) kon sa siin nagatrabaho ro asawa it pasyente rason nga temporaryong ginshutdown ro billing ag collection section it taeatapan para taw-an it daean ro disinfection.
May kaangtanan kara, uman nga nagpadumdom si Cuatchon sa publiko nga inde pagkalipatan ro pag-obserba sa physical distancing, ro mandatory nga pagsuksok it facemask ag ro personal hygiene agud nga makalikaw sa COVID-19 infection.
