KALIBO, Aklan—Haeos dag-un dag-on nga nagapanata ro pamilya Penuela kada mag-abot ro Semana Santa.
Ginsaysay sa Bombo Radyo ni Arturo Penuela Jr., sangka mangunguma nga kaeabanan nanda nga gina-obra kada Holy Week hay nagasaka sa Manduyog Hills, sangka kilaeang pilgrim site sa Aklan ag nagapangamuyo ag nagasindi it kandila sa station of the cross.
Suno kana nga mas pang nagbaskog ro andang pagtuo sa Diyos kat maka-survive ro anang misis sa breast cancer may onse anyos eon ro nagtaliwan.
Raya suno kana ro pinakamabahoe nga hangkat nga nag abot sa andang pamilya nga madinaeag-on nanda nga naeampasan.
Bilang pagpasaeamat, kada Semana Santa hay nagapatigayon sanda it panata agud nga mabatyagan nanda ag maintindihan ro kasakit nga inagihan ni Hesukristo .
Sa makaron man nga paniempo suno kana hay nagapu-asa sanda ag ginasunod ro tradisyon nga nagalikaw sa pagkaon it karne.
