-- ADVERTISEMENT --
KALIBO, Aklan — Ginpatawag it Sangguniang Bayan (SB) sa Malay, Aklan ro transport group nga Boracay Land Transport Multi-Purpose Cooperative (BLTMPC) may kaangtanan sa reklamo it mga commuters sa isla bangud sa kakueangan it pampasaherong saeakyan.
Suno sa Boracay Foundation Incorporated (BFI), grupo it mga negosyante sa isla, pilang reklamo ro ginpaabot kanda nga nabudlayan ro pilang mga residenteng makausoy it masakyan bangud haeos 90 porsiyento it mga tricycle ag electric tricycles (e-trikes) hay arkilado it mga turista.
Samtang, ginpahayag it lokal nga gobyerno it Malay nga kapin sa 180 pang e-trikes ro nakataeanang ipanupod it Department of Energy agud kapin pang mapaayos ro public transport system sa isla.
