POLICE Report — Ginbuno it makapilang beses it sangka lolo hasta nga owa eon nakabugtaw sa anang pagkatueog ro sangka panadero sa ginadudahan nga mabuhay eon nga owa pagka-ilintindihan nga motibo it pagpatay sa Sitio Aringit, Barangay Hagonghon, Buenavista, Quezon.
Ro biktima hay insigidang binawian it kabuhi sa gin-eontaran it insidente matapos nga mag-angkon it mga nina sa nagkaeain-eain nga parte it eawas si Alyas Noel, 43, baker, ag naga-istar sa nasambit nga lugar.
Samtang, ro suspek nga insigida man nga naaresto ag temporaryong nakakulong sa Buenavista Police Station hay nakilaea kay alyas Jaime, 80, may-asawa, mangunguma, tubong-Palanas, Masbate ag residente it Barangay Hagonghon, Buenavista, Quezon.
Base sa inisyal nga imbestigasyon it kapulisan angot sa natabu nga krimen, bandang alas-6:00 it agahon samtang ro biktima hay hamuok nga nagakatueog sa guwa it anang baeay hay gulping nag-abot ro suspek nga armado it bolo ag owa it anuman nga sunod-sunod nga ginbuno ro biktima hasta nga eubusan raya nga bawian it kabuhi.
Nasayuran nga ro biktima ag suspek hay dati eon sigon nga may owa pagka-ilintindihan nga nagresulta sa pagpatay sa biktima kun sa siin ro suspek hay nagapangatubang sa kasong murder.
