Ginakalipay ni Pangueong Ferdinand Marcos Jr. ro pag-amig nanda ni dating Vice President Leni Robredo.
Raya ro ginpahayag it Pangueo matapos ro pagmueo-an ag paglamano nanda ni Robredo sa inagurasyon it Sorsogon Sports Complex ku Huwebes.
Ro daywa hay nag-amig matapos imbitahan ni Senate President Chiz Escudero si Robredo nga pangunahan ro pag-welcome kay Pangueong Marcos sa Sorsogon.
Sa talumpati sa ceremonial signing it Academic Recovery and Accessible Learning (ARAL) Act sa Palasyo it Malakanyang, ginpasaeamatan ni Pangueong Marcos si Escudero nga naghimo it pinaka-importanteng tikang para matabo ro political reconciliation.
Suno sa pangueo, “well done” ro ginhimo ni Escudero ag manami nga naayos eun ro relasyon nanda ni Robredo.
Matandaan nga nagkontrahanay sa pulitika sanday Pangueong Marcos ag Robredo kat parehong nagkandidato it vice president ku 2016 kun siin ginpirde ni Robredo si Pangueong Marcos sa vice presidential race.
Uman nga nagkontrahan ro daywa ku 2022 presidential elections ag ginpirde man ni Pangueong Marcos si Robredo sa presidential race.
