Kalibo Aklan —– May naisip nga pamaagi ro sangka pari sa siyudad it Achern sa Baden-Württemberg, Germany agud nga “makatambong” sa anang misa sa simbahan ro mga tawo nga owa nanda gina-eabag ro home quarantine ag social distancing.
Sa video, makita si Fr. Joachim Giesler, nga nagamisa ko domingo nga sa atubang it maabu nga mga litrato nga ginbutang sa mga pungkuan it Parish Church of our Lady.
Nasayuran ko nagtaliwan nga mga inadlaw hay ginhinyu ni Geisler sa mga nagasimba sa anang parokya nga magpadaea sanda it andang mga litrato nga imaw ro ginbutang man sa mga pungkuan .
Naga-abot man sa 150 ro litrato nga andang na-print ag ginbutang sa mga pungkuan samtang nga nagamisa .
Pinaagi sa mga litrato, mapatigayon nana ro pagmisa it normal samtang nga nagatan-aw ro mga tawo sa internet.
Bangud sa paeag it pagkatapon it coronavirus, ginbawae anay ro mga pagtipon tipon it mga tawo kapareho it pagpatigayon it misa.
