Ginpahayag it Department of Justice (DOJ) ro plano karang kanselahon ro pasaporte it dating presidential spokesperson ni Former President Rodrigo Duterte nga si Atty. Harry Roque nga presenteng una sa The Netherlands para sa anang asylum application.
Suno kay Justice Secretary Jesus Crispin Remulla, kun nakansela ro pasaporte ni Roque, imaw hay makabig nga “undocumented alien” nag magatuga it deportation pabalik it Pilipinas.Si Roque hay nagapangatubang sa mga kasong human trafficking angot it ilegal nga operasyon it Philippine Offshore Gaming Operators (POGO), base sa warrant nga ginpaguwa it Angeles City Regional Trial Court.
Apang nagpanindugan si Roque nga indi imaw pwedeng ma-deport samtang nakabinbin ro anang asylum application sa The Netherlands.
Ginpahayag man ni Chief State Counsel Arvin Dennis Chan nga indi pwedeng arestuhon ro sangka aplikante it asylum samtang padayon pa ro pagpamati sa anang kaso.
Samtang, padayon nga ginabantayan it DOJ ro sitwasyon samtang ginaproseso ro mga legal nga tikang angot it kaso it dating opisyal.
