Insigida nga naghalin ro mga empleyado ag mga kliyente it Pasig City Hall of Justice matapos nga makabaton raya it sangka bomb threat.
Temporaryo man nga ginpundo ro mga hearing sa mismong building samtang nagahimo it imbestigasyon ro miyembro it bomb squad sa mismong insidente.
Base sa inisyal nga imbestigasyon it mga otoridad, nasayuran nga nakabaton ro pilang ka building officials it ginasugid nga umano’y bomb threat sa pamaagi it email bandang alas 8:45 it agahon.
Nakabaewhag sa mismong email nga magasabog ro bomba sa oras nga alas 9 it agahon ag kinahang ean nga insigida nga maghimo it paghalin.
Matapos ro ginhimo nga assesment it Explosive Ordnance Disposal (EOD) K9, gindeklara kara nga eowas ro lugar. Dikato eamang gin g sugtan ro mga staff it Pasig City Hall of Justice nga makasueod sa anda nga mga opisina.
Sa makaron hay nakipag coordinate eon ro mga otoridad sa anti-cybercrime unit agod nga masayuran ro lokasyon it email sender.
Padayon man ro paghimo it monitoring it mga Explosive Ordnance Disposal sa mismong lugar agod nga masiguro nga eowas eon gidman sa anumang bomb treat o iba pang mga paeag.
