KALIBO,Aklan– Kabilugan nga 1,377 ro naging madinaeag-on nga nakapagproseso it pasaporte sa ginpatigayon nga passport on wheels it Department of Foreign Affairs ukon DFA pinaagi sa inisyatibo it sangguniang panlalawigan it Aklan ag gobyerno probinsyal kadungan sa passport on wheels nga ginrequest man it lokal nga gobyerno it Kalibo.
Suno kay Merlyn Montaño, SP Aklan secretary nga kapin sa 1,200 eamang ro ginta-o nga slot it DFA sa gobyerno probinsyal apang bangud sa maabo ro gusto nga magbuoe hay gindugangan it 400 slots rason nga nakaabot it 1,377 ro mga madinaeag-on nga nakaproseso ag ginahueat eon lang ro andang pasaporte nga ideliver.
Angot kara, kapin sa P200,000 pesos ro andang nagastos sa nasambit nga programa nga ginaeauman nga magapadayon pa sa mga masunod nga dinag-on para sa maserbisyuhan ro mga Aklanon nga inde eon kinahang-ean nga umadto ag pumila sa nasambit nga ahensya sa syudad it Iloilo
