Naaresto eon si Kingdom of Jesus Christ Pastor Apollo Quiboloy ag una eon sa kustudiya it mga awtoridad.
Suno kay Department of Interior and Local Government (DILG) Secretary Benhur Abalos, ginahimo eon ro tamang proseso it mga otoridad.
Madunduman nga daywang dominggo eon nga ginausoy raya sa KOJC compound para iserbi ro warrant of arrest nga ginpaguwa it Pasig City Regional Trial Court.
Madumduman nga ko June 2024 unang ginserbi ro warrants para kay Quiboloy sa nagkaeain-eain nga KOJC properties, apang uwa makit-an ro pastor.
Ko July 2024, nagtaeana it reward nga ₱10 million para sa makaturo it nakahamtangan it nagapanago nga religious leader.
August 2024 mat-a kat magpaguwa ro Court of Appeals it freeze order para sa mga bank accounts nana, kaibahan eon ro pilang properties, saeakyan ag aircraft.
Ko unang dominggo it September 2024, ginpahayag ni Atty. Israelito Torreon nga naghalin si Quiboloy sa KOJC compound kato pang March 2024, apang uwa gin-ungkatan it Philippine National Police ro pag-usoy sa pastor.
Umabot pa sanda sa pagkutkot hasta sa nagkaeain-eain nga parte it 30 ektaryang ugsaran it nasambit nga organisasyon.
