KALIBO, Aklan — Owa masyadong naapektuhan ro ginpatigayon nga ASEAN Senior Economic Officials Meeting Retreat sa naeksperyensiyahan nga patay-sindi nga supply it kuryente ko nagtaliwan nga domingo .
Suno kay P/MSgt. Jane Vega, tagapaghambae it Aklan Police Provincial Office (APPO) nga antes ro event hay gintalakay ro problema sa power supply sa mga ginpatigayon nga pueong para sa security preparations, kung sa siin, ginpasiguro it LGU-Malay ag iba pang stakeholders ro andang commitment nga indi maka-apekto ro power interruptions sa isla.
Nagbutang suno kana it bastante nga generator sets sa mga eskwelahan nga gingamit bilang billeting area it mga kapulisan .
Samtang, may nagakaigo man suno kana nga generator set ro hotel kun sa siin nakahamtang ro andang multi agency coordinating center rason nga bukon it apektado ro andang real time monitoring system.
