Kalibo Aklan ——–Patay eon kat makit-an it mga residente ro sangka pawikan nga gindagsa bandang alas-7:00 kaina it agahon mga dyes metros ro kaeayuon halin sa bibi it baybay sa parte it fish landing sa banwa it New Washington.
Ginasugid nga may nakitang nina sa ueo it pawikan nga ginapatihan nga nakabunggo sa mga bato tuga it mabaskog nga hampak it humbak.
Insigidang ginpahisayod sa mga natungdan ro hitabu partikular sa andang Municipal Agriculture Office ag base sa andang laygay, ginpa-eubong sa kilid it baybay ro pawikan agud nga indi makaapekto sa ikamayad nga eawas it mga residente .
Normal suno sa mga opisyal nga kada amihan hay may mga pawikan nga ginadagsa .
Ginatantiya nga ro pawikan nga sangka babaye hay nagahaba it daywa hasta tatlong piye.
Nakita man nga may mga senyales nga nakataeana raya nga maga-itlog.
