KALIBO, Aklan—Patay eon kat masapwan ro sangka klase it pawikan sa may Puka Beach sa isla it Boracay.
Suno kay Haron Deo Vargas, Marine Biologist it Local Government Unit (LGU)-Malay, nakitaan it mga tama sa kaeawasan ro juvenile Green turtle nga ginapatihang tinamaan it baroto.
May kaangtanan kara, ginpakamayad ko mga myembro it Department of Environment and Natural Resources (DENR) ag Malay PNP nga i-eobong ro nasambitang pawikan.// madumduman nga ko kan-o eamang hay sangka ninahan man nga green sea turtle ro nasapwan it mga mangingisda matapos nga natuslok raya it bala it speargun.
Bangud sa grabeng lastro hay nagaguwa ro dugo samtang nagaginhawa nga ko ulihi hay namatay man nga kon sa siin gilayon nga ginputos it puti nga tuwalya antes nga gin-eobong ko mga myembro it Community Environment and Natural Resources Office (CENRO)-Boracay.
Madumduman nga mag-eowas sa green sea turtle hay nagbuhi ro lokal nga gobyerno it Malay it Olive ridley turtle (Lepidochelys olivacea) ag masobra sa 150 pawikan hatchlings sa eawod.
