Owa ginpahuy-an it Gilas Pilipinas ro mga fans ag supporters matapos tambakan nanda ro Saudi Arabia 84-46 sa fourth window it FIBA World Cup Asian Qualifieres.
Naging sulit ro pagpamantaw it 19,829 crowds sa Mall of Asia Arena sa Pasay City matapos ro pagpakita it kaabtik it gilas team sa pagpanguna ni Filipino-American NBA player nga si Jordan Clarkson nga nag-dunk ag nagpauean it three points.
Nagtapos si Jordan it 23 points, an-um nga rebounds ag an-um nga assists.
Samtang may 16 nga puntos ag 13 rebounds si Kai Sotto ag siyam nga puntos man ro gintao ni Dwight Ramos.
Bangud sa kadaeag-an hay may tatlong daog ag tatlong piyerdi ro national basketball team it nasyon.
Samtang, kaeakip man sa mga nagpamantaw it hampang hay si dating Pangueong Rodrigo Duterte, samtang sorpresa man ro pag-abot sa katung-anan it third quarter si Pangueong Ferdinand Marcos Jr.
