Haom eon ro deployment it mga personnel it Philippine Coast Guard ukon PCG sa mga coastal areas ag resorts nga posibleng dayuhon it mga tawo makaron nga selebrasyon it kapyestahan ni San Juan de Bautista.
Suno Petty Officer 2nd Class (PO2) Cyril A. Vargas, Deputy Commander Coast Guard Sub Station Nabas Aklan nga may bangkarera event sa daywang barangay sa nasambit nga banwa kon sa siin nakatutok ro andang personnel agud nga magtao it assistance sa mga magapasakop sa nasambit nga event.
Mag-eowas kara, magapatigayon sanda it shoreline patrol agud nga mamonitor ro mga tawo nga magaadto sa mga baybayon kamana man agud nga masikyar ro andang kaeowasan eabi eon kon makaangkon it magae-umon nga panyempo makaron nga adlaw.
Angot kara, nagpadumdom ro PCG sa publiko nga maging responsable sa kaugalingon pinaagi sa pagpaligos nga una sa idaeom it impluwensya aeak, inde kaantiguhan mag-eangoy ag kon may mga baeatian kaparehas it mga ginabiling kon magbuhay sa tubi-dagat agud nga malikawan ro insidente it pagkaeomos.
Mag-eowas kara, padumdom man sa mga ginikanan nga bantayan ro andang mga inonga agud nga inde makaadto sa madaeom nga porsyon it tubi-dagat ukon swimming pool para inde mauli sa trahedya ro masadya nga selebrasyon it kapyestahan ni San Juan de Bautista.
