KALIBO, Aklan — Naka-alerto eon ro Provincial Disaster Risk Reduction Management Office (PDRRMO)-Aklan ag iba pang mga natungdan nga ahensya it gobyerno sa probinsiya bilang pagpahaum sa ginaeauman nga pagpanaeasa it Bagyong Pepito kun sa siin posibleng mabutang ro Aklan sa tropical cyclone wind signal no. 1.
Sa ginpatigayon nga press briefing it PDRRMO Aklan angot sa bagyong “Pepito”, ginpahayag ni Manuel Jayfre Jizmundo nga posibleng maka ekspersyensiya ro Aklan it mga pag-uean umpisa sa adlaw it Sabado hasta Lunes tuga it maeapad nga sakop it nasambit nga bagyo.
Nakaplastar eon sigon ro andang mga pagahimuon nga pagpahaum sa magiging worst case scenario sa epekto it pagtama it bagyo .
Nakapahaum eon man sigon ro andang mga rescue units agud nga magabantay sa anumang emergency.
Naka preposition eon ro mga relief goods nga igapnupod sa mga residenteng posibleng maaapektuhan it bagyo.
