Ginapahaom eon it US Defense Department ro masubra sa $567 million nga security aid para sa Taiwan.
Batay sa ginpaguwa nga report it Pentagon, naaprubahan eon ro mismong balor ag nagahueat eon eamang it perma ni US Pres. Joe Biden.
Nakasueod sa masubra sa katunga nga bilyong security package hay ro mga military drones, anti-armor weapons, military stockpiles, ag air defense,“multi-domain awareness”.
Kaeakip man kara ro training para sa paggamit sa mga raya. Ro mismong military deal hay mag eowas pa sa $228 million aircraft spare parts nga inanunsyo it Pentagon.
Ko buean it Abril, inaprubahan it US Congress ro $1.9 billion nga arms stock sa mga nasyon sa Indo Pacific kung siin pinakamabahoe kara hay maagto sa Taiwan.
Sa idaeom it pagpamuno ni US Pres Joe Biden, 16 nga beses eon nga nagpaguwa raya it arms deal para sa Taiwan.
