NATIONAL News —- Nagpaandam si Atty. Alberto Agra nga posibleng magaresulta sa constitutional crisis kon magapaguwa ro Korte Suprema it temporary restraining order ukon TRO agud nga papunduhon ro paghuyap it boto para kay presumptive president Ferdinand ‘Bongbong’ Marcos Jr.
Suno sa dating justice secretary nga pwedeng balewalaon it daywang kapueongan it Kongreso ro TRO it Supreme Court ag padayunon canvassing it boto ni Marcos.
Engkaso nga raya ro matabu, posibleng makaangkon it constitutional crisis.
“Meron sinabi ng Supreme Court na ihinto mo, assuming na iyon ang sasabihin. Sabi naman ng Kongreso, itutuloy natin. Magiging Constitutional issue ito,” pahayag ni Agra sa sangka interview.
Bangud kara, gin engganyo ni Agra ro Supreme Court nga insigidang aksyunan ro mga petition nga nagapabasura sa Certificate of Candidacy ni Marcos sa mismong adlaw ukon antes ro Hunyo 30.
Anuman ro maging desisyon it Supreme Court en banc, posibleng ro petitioners ukon ro kampo ni Marcos ro magadihon it motion for reconsideration agud nga iga apela ro ruling.
