National News ———Eampas eon sa 500,000 ro kabilugang numero it coronavirus cases sa Pilipinas, base sa pinakabag-ong datos it Department of Health (DOH).
Kahapon kat nagreport ro ahensya it 1,895 nga numero it mga bag-ong tinamaan it sakit rason nga nagsirit pa sa 500,577 ro total cases.
Ro Davao City ro nagapanguna sa listahan it mga lugar nga may pinakamataas nga numero it new cases nga kapin sa 107.
Ginsundan it Quezon City nga may 106, Isabela nga may 65, Pampanga nga 63, ag Bulacan nga may 62.
Kapin pa sa 24,691 ro mga active cases ukon nagapmayad.
Ginabilog raya it 84.6% nga mga mild cases ag 6.6% asymptomatic nga pasyente.
May una man nga 3.0% nga mga severe, 5.3% nga critical, ag 0.47% moderate cases.
Samtang, nadugangan ro numero mga nagmayad sa COVID-19 matapos ro time-based tagging nga “Oplan Recovery.”
Kapin sa 465,991 eon ro total recoveries bangud sa nagdugang nga 5,868.
Samtang, 11 ro nagdugang sa total deaths nga makaron hay una eon sa 9,895.
