National News ——–Sigurado eon sigon nga makabueo ro Pilipinas it kapin sa 30-milyong dosage it COVID-19 vaccine nga himo it India nga Novavax.
Suno kay Foreign Affairs Secretary Teodoro Locsin Jr. ro kontrata angot sa supply it bakuna hay pagapirmahan antes matapos ro dag-on.
Dugang kara, naghalin ro impormasyon sa Serum Institute of India, ro ginasugid nga pinakamabahoe nga vaccine producer sa bilog nga kalibutan.
Una kara, nakaangkon it kasugtanan ro American vaccine developer Novavax Inc. ag ro Serum Institute of India para sa development ag commercialization it andang COVID-19 vaccine.
Sa makaron, nakasikyar eon ro Pilipinas it 2-milyong dosage it coronavirus vaccines halin sa British pharmaceutical company nga AstraZeneca.
Target man it gobyerno nga makaangkon it deal sa Sinovac Biotech it China, Gamaleya Research Institute it Russia, ag Moderna ag Pfizer it Estados Unidos.
