Ginkansela eon it Department of Foreign Affairs (DFA) ro Philippine passport ni dismissed Bamban Mayor Alice Guo.
Sa sangka statement, ginkumpirma it DFA nga naging epektibo ro kanselasyon it pasaporte ni Guo ko Setyembre 30 it presenteng dag-on matapos magparehas ro anan nga biometrics sa Chinese passport holder nga si Guo Hua Ping sa files it National Bureau of Investigation.
Madumduman nga una eon nga ginmando it Palasyo it Malacañang nga kanselahon ro pasaporte ni Guo kaibahan ro ana nga mga manghod nga sanday Wesley, Shiela ag Cassy Ong nga nagaangot sa ginsaeakay nga POGO hub sa Porac, Pampanga matapos nga mag-eskapo ro mga raya paguwa it Pilipinas ko Hulyo.
Nagpromesa man ro DFA sa pagpatuman it seguridad ag integridad sa pag-isyu it mga PH passport ag siniguro sa publiko nga andang irefer sa law enforcement agencies ag prosekusyon ro anumang ilegal nga aplikasyon ag pagbuoe it mga pasaporte.
Pahayag pa it ahensiya nga igapatuman kara ro Zero Tolerance Policy sa mga unscrupulous individuals nga bukon it legal nga nagaagi sainsaktong aplikasyon it pasaporte.
