Kumikilos ang Pilipinas upang samantalahin ang dalawang linggong tigil-putukan sa pagitan ng Iran, Estados Unidos, at Israel para mapalakas ang suplay ng langis at maibsan ang pagtaas ng presyo ng petrolyo sa bansa.
Nananatiling mataas ang presyo ng langis dahil sa pagkaantala ng daloy sa Strait of Hormuz at pinsala sa mga pasilidad sa Persian Gulf. Tinatayang may sapat na imbentaryo ang bansa na aabot sa halos 50 araw.
Ipinatupad ang mga hakbang sa pagtitipid ng enerhiya, kabilang ang work-from-home, habang apektado ang operasyon ng ilang transport group.
Umaasa ang pamahalaan na mapapahaba ang ceasefire upang masiguro ang dagdag na suplay ng langis. Pinayagan din ang ligtas na pagdaan ng mga barkong Pilipino sa Strait of Hormuz.
Hindi pa inaasahang babalik agad sa dating antas ang presyo ng langis dahil sa patuloy na pagkukumpuni ng mga nasirang oil facility, ayon kay Energy Sectetary Sharon Garin.
