Business News——-Ginsuspinde eon it Philippine Health Insurance Corporation (PhilHealth) ro pagpatuman it mandatong dugang sa kontribusyon it mga miyembro kara makaron nga dag-on.
Suno kay PhilHealth President and CEO Atty. Dante Gierran, sandig sa mando ni Pangueong Rodrigo Duterte ro desisyon nanda nga ipaiway ro dapat kunta hay 3.5-percent rate it direct contributors.
Paathag it opisyal, epektibo eamang ro suspensyon it contribution hike hasta maka-pasa it bag-ong laye ro Kongreso nga magata-o it basbas sa deferment it scheduled nga premium adjustment.
Kon uwa sigon it maipasang bag-ong laye angot sa contribution hike, igabalik it PhilHealth ro scheduled premium rate ag ceiling nga nakabaehag sa idaeom it Universal Healthcare Law.
Ko adlaw it Lunes kat nag-apela si Duterte sa PhilHealth nga inde anay pag-ipatuman ro scheduled increase sa kontribusyon.
Sa idaeom it UHC Law, madugangan it 0.5-percent ro kontribusyon it PhilHealth members kada dag-on hasta nga maabot ro limit nga 5-percent sa 2025.
