PhilHealth may rabies benefit package

Ginpadumdom it PhilHealth ro publiko nga gamiton ro andang rabies benefit package bangud sa mga kaso it pag-angkit sapat ag pagkabaeaka sa rabies.

Ro package nga nagabalor it P5,850 hay nagasakop sa bakuna kontra sa rabies, immune globulin, pag-alaga sa nina, pagbueong sa tetanus, antibiotics, ag mga gamit medikal.

Mabuoe raya sa mga Animal Bite Treatment Centers ag mga akreditadong pasilidad.

Maskin nga nagnaba it 32% ro kaso it rabies makaron nga dag-on, nagpanawagan ro Department of Health it padayon nga pag-dahan bangud sa 100% ro fatality rate it rabies.

Ginaengganyo man ro mga may alagang ayam ag kuring nga ipabakuna ro andang mga sapat nga may libreng anti-rabies shots halin sa mga lokal nga gobyerno.