NATIONAL News — Owa nagakabaeaka ro Philippine Navy sa nadiskubrehang underwater drone sa katubi-an it San Pascual, Masbate.
Ginpahayag ni Navy spokesman Rear Admiral Roy Vincent Trinidad nga kaeabanan nga ro mga makutom nga kolor it drone hay ginagamit para sa scientific research ukon para sa pagpangisda kapareho it pag-track sa schools of fish para sa fishing purposes ag gin-design raya agud nga makita halin sa kahawaan.
Natukiban it mga mangingisda sa San Pascual ro 2.72-meter-long drone nga naga-eutaw-eutaw sa nasambit nga katubi-an ko Disyembre 30.
Insigidang gin-usisa it explosive ordinance disposal team it Bicol Region Police ro nasambit nga device.
Maskin nga bukon it sangka explosive device, ginpahayag it kapulisan nga ro marka hay nagapabutyag nga raya hay sangka “underwater navigation ag communication system.”
Samtang, nagapati man si security analyst Rene De Castro nga ro underwater drone hay pwedeng maging military device.
Ginpahayag ni Surigao del Norte Representative Ace Barbers nga bukon it makangawa-ngawa kon ro Tsina ro nagapatigayon it underwater surveillance sa naga-init nga territorial dispute sa tunga it Beijing ag Manila.
Bangud kara, padayun nga ginasueong ni Barbers ro pagpatindog it EDCA sites sa Surigao del Norte para protektahan ro eastern seaboard it nasyon halin sa mga dumueuong nga nagapasilabot.
