KALIBO, Aklan — Nagapati ro Provincial Health Office ukon PHO-Aklan nga may dengue outbreak eon sa probinsiya it Aklan .
Raya ro pagpati ni Dr. Vic Sta. Maria matapos nga mag-eampas eon sigon sa alert level ro kaso it dengue sa probinsiya .
Sa makaron hay may una eon nga 15 nga namatay bangud sa dengue umpisa Enero 1 hasta Hulyo 6, 2019.
Base sa datus it Aklan Provincial Epidemiology Surveillance and Response Unit, tig-tatlo ro nailistang namatay sa banwa it Balete, Kalibo ag New Washington, samtang daywa sa Numancia ag tig-sambilog sa mga banwa it Ibajay, Malay, Nabas ag Tangalan.
Sa makaron hay naglobo eon sa 2,171 ro kaso it dengue sa Aklan.
Raya hay 100 porsyentong mataas sa parehong tiempo ko nagtaliwan nga dag-on.
Kapin sa 22 ro tinamaan it dengue sa mga owa pa it sang dag-on ro edad samtang 105 man ro numero it nagkasakit nga magueang nga may edad 51 anyos pataas.
